Энэ загвар
хувирамтгай чанар бүхий бичил үүрэн (microcell) гадаргуутай бөгөөд
орчинтойгоо зохицож өнгө нь хувирна. Мөн Chameleon загвар нь орчноо
"ажиглаж шинжлэх" нь 3 бичил дурантай.
Eco загварын
хамгийн онцлох шинж чанар бол нарны энергийг хуримтлуулах чадвар, мөн
дэлгүүрийн шошго уншигч (barcode scanner), цусны даралт, судасны цохилт
хэмжих багажтай.
HP Fitness
Биеийнхээ жинг
хасах гэж "тэмцэж" буй бүсгүйчүүдэд энэхүү загвар илүү хэрэг болж мэдэх
юм. Учир нь уг загвар биеийн жин хэмжүүр, жин хасалт хянах
программтайгаас гадна чийрэгжүүлэх төвд хичээллэж буй үед хэрэг болж
мэдэх цаг тоолуур бүхий бугуйвчтай.
HP Make-Up
Уг загварын нэрнээс нь хараад л та ямар зориулалттайг нь ойлгосон байх.
Ердөө ганц товч дараад л уг загварын дэлгэцийг та толь болгон ашиглаж
болох бөгөөд дээр нь танд хиймэл хумс принтлэж өгөх чадалтай. Тэгэхээр
гоо сайхандаа нэлээд цаг зав зарцуулдаг ажил хэрэгч хүүхнүүдийн заавал
байх ёстой хэрэглээнд энэхүү загвар багтана.
HP Mama
Зохион бүтээгчийн өгүүлснээр Mama ноутбуук нь хугарашгүй мөн ус нэвтрэх
боломжгүй тун бөх загвар юм. Уг загвар хүүхдүүдээ видео хяналтан дор
байлгах боломжийг гэрийн эзэгтэй нарт олгох ба bluetooth холболттой 2
ширхэг бичил дурангаас гадна 3D-хяналтын систем, дохиолол бүхий
бугуйвчтай ирэх аж.
HP Perfume
Perfume лаптопийг та гэрэл эсвэл агаар цэвэршүүлэгч болгон ашиглаж
болно. Хэрэглэгч үнэрийн олон янзын дээжийг "татан" (download) авч уг
загварын матрикстай холин шинэ үнэр гаргаж авах боломжтой.
HP Nobag
Ердийн ноутбуук компьютерүүд багтах боломжгүй бяцхан, бяцхан гар
цүнхээр чамирхах дуртай хүүхнүүдэд зориулагдсан энэ загвар touch sensor
бүхий hard OLED технологи дээр суурилж бүтээгдсэн. Загварын дэлгэц,
товчлуурууд нь гүн цэнхэр өнгө бүхий цэвэр шилээр хийгдсэн аж.
Нүүр хуудас 
